Азнакаево
  • Рус Тат
  • Киләчәккә юл сайлар вакыт

    Мәктәп - һәр укучының тормышында җаваплы чор. Нәкъ биредә холык-фигыльләребез, дөньяга карашыбыз, шәхесебез формалаша. Ә тугызынчы һәм унберенче сыйныфка җиткәч, җитди сынаулар көтә. Унберенчеләр белән бар да ачык, ә менә тугызынчылар алдына тагын бер сорау килеп баса: укуны мәктәптә дәвам итәргәме, әллә һөнәр үзләштерергә юл тотаргамы? - Мин мәктәптә калырга...

    Мәктәп - һәр укучының тормышында җаваплы чор. Нәкъ биредә холык-фигыльләребез, дөньяга карашыбыз, шәхесебез формалаша. Ә тугызынчы һәм унберенче сыйныфка җиткәч, җитди сынаулар көтә.

    Унберенчеләр белән бар да ачык, ә менә тугызынчылар алдына тагын бер сорау килеп баса: укуны мәктәптә дәвам итәргәме, әллә һөнәр үзләштерергә юл тотаргамы?

    - Мин мәктәптә калырга булдым, чөнки 20 елдан артык балаларга белем бирүче әнием эшен дәвам итеп, педагогика университетына китәсем килә. Ә тугызынчыдан соң урта һөнәри белем алып, яңадан вузга керү - озак процесс дип исәплим, - ди Рамина Ибраһимова.

    Ләйсән Зәкиева исә башкача фикердә.

    - Мин тугызынчыдан соң китәргә уйлыйм, чөнки билгеле максатларым бар һәм аларны тизрәк тормышка ашырырга омтылам, - ди ул.

    Имтиханнарга әзерләнгәндә берәүләр үзләрен тыныч һәм ышанычлы хис итә, икенчеләр төшенкелеккә, куркуга бирелә. Укытучылар имтихан нәтиҗәләре белем дәрәҗәсенә, тырышлыкка, ихтыяр көченә бәйле диләр.

    - Имтиханнарга әзерлек максатларында мәктәбебездә һәр көн саен консультацияләр үткәрелә. Яхшы нәтиҗәләр - ул киләчәккә яхшы юл. Язмышыңның нинди юлдан китәсе дә аларга бәйле, - ди Азнакай 2 нче урта мәктәбенең уку-тәрбия эшләре буенча директор урынбасары Айнур Кәрамуллин.

    Зөлфия ХӘМИТОВА, яшь хәбәрче

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: