Азнакаево
  • Рус Тат
  • Холыклары туры килгән

    ​​​​​​​Хатип һәм Фәридә Хәниповлар Буралы авылында яшиләр.

    Лаеклы ялга чыккач, шәһәр тормышын ташлап, Хатип аганың туып-үскән нигезенә кайтып төпләнәләр алар.

    Матур итеп йорт төзеп, бакчаларында яшелчәсен, җиләк-җимешен мулдан үстереп, кош-корт асрап көн күрәләр.

    Буралы – буалы авыл, шуңа күрә биредә каз асрарга бик уңайлы. Хәниповлар да яздан кар төшкәнче шулар белән мәш киләләр.

    – Буа буенда казлар саклап, ярты яшәреп китәм, – ди йорт хуҗасы.

    Гадәттә, ир белән хатын холыклары буенча бер-берсенә капма-каршы була.

    – Характерлар туры килмәсә яши алмыйсың, – ди Хатип ага. – Үзем бик кызу кеше, Фәридә дә кызу, сүлпән булса, тормаган булыр идем.

    Кызу – һич тә тиз кабынып китүчән түгел, бу очракта җитез, эшне җәһәт башкаручан дигәне аңлата. Шулай булмаса, бу кадәр өйләр салып, зур хуҗалык алып барып булмас иде.

    – Сәламәтлек кенә кирәк, бөтен нәрсә бар. Хәрәкәттә – бәрәкәт, сугымга мал да асрыйбыз әле. Авыл җирендә мал-туарсыз ничек яшәмәк, көн үткәрмәк кирәк, – ди Фәридә ханым.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: