Ире һәм баласы ятим калды: яман шеш белән көрәшүче Лилия Нуруллина бакыйлыкка күчте [соңгы видеосы]
Казанда яшәүче Лилия һәм Илназ Нуруллиннар гаиләсе бу көннәрдә зур югалту кичерә. Җомга, 2 ноябрь көнне, Төркиянең онкология хастаханәсендә бер елдан артык яман авыру белән көрәшүче Лилиянең гомере өзелгән.
![Ире һәм баласы ятим калды: яман шеш белән көрәшүче Лилия Нуруллина бакыйлыкка күчте [соңгы видеосы]](/resize/shd/images/uploads/news/2018/11/3/eb483410527b1616d8f95a52e85eac1c.png)
Лилия бер ел элек авырый башлый. Табиблар аның үпкәсендә яман шеш таба. Өметле сүз әйтмиләр. Авыруның соңгы стадиядә булуы ачыклана. Лилиягә бер-бер артлы дүрт мәртәбә химия терапиясе бирәләр. Ярдәме тими. Ул гына да түгел, быел анда тагын бер яман шеш табалар. Хәле көннән-көн начарлана башлады. Аптырагач, чит ил белгечләренә мөрәҗәгать итәләр. Төркия табиблары Лилиянең гомере өчен көрәшеп карарга вәгъдә биргән. 17 октябрьгә каршы төндә Лилия әнисе һәм кызы Эльза белән шунда очтылар. Ләкин Төркиядә Лилиянең күзләре мәңгелеккә йомылды.
23 октябрь көнне төшерелгән соңгы видеосында Лилия тиздән барысы да яхшы булачагына өметләнүен, дәвалануга кирәкле сумма җыелып бетәргә бик аз гына җитмәвен әйтә. Якыннарының авыр хәсрәтен уртаклашабыз. Урыны оҗмахта булсын. Иннә лилләһи вә иннә иләһи рәҗигун…
-
Фото: скриншот инстаграм
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев