Азнакаево
  • Рус Тат
  • Фәридә Мөҗиповадан каймаклы пирог рецепты

    Чәйләрегез тәмле булсын!

    Камыр өчен бер стакан кайнарланган сөт, 1 чәй калагы коры чүпрә, бер чеметем тоз, ярты аш кашыгы шикәр комы, 1 йомырка, 100 грамм ак май яисә маргарин кирәк булачак.

    Камырны йомшак кына итеп басып, ярты сәгать чамасы җылы урында тотабыз да, 1 см калынлыкта җәябез. Табага салганда кырларын биек итеп калдыру кирәк, аны матурлап кисеп алабыз да, бөгәбез.

    Эчлек өчен 500 грамм каймак, 4 йомырка, 4 аш калагы шикәр комы алабыз. Каймакка йомырка, шикәр комы кушып, шикәре эреп беткәнче туглагач, аны камыр өстенә ипләп кенә салырга кирәк. 

    Каймаклы пирогны уртача температурада духовкада якынча 25-30 минут пешерәбез. Эчлеге йомшак дип, духовкада озакка калдырмагыз,  суынгач ул үз формасын ала.

    Реклама
    Нравится
    Поделиться:
    Реклама
    Комментарии (0)
    Осталось символов: