Азнакаево
  • Рус Тат
  • Азнакайның авыл яшьләре хоккейда көч сынашты. ФОТО, ВИДЕОРЕПОРТАЖ.

    23 февраль көнне Вахитов авыл җирлегендә узачак авыл яшьләренең VI спартакиадасына аерым спорт төрләре буенча сайлап алу турлары дәвам итә. Якшәмбе көнне авыл егетләре хоккейда көч сынашып, иң көчлеләр билгеләнде. Шунсын да әйтергә кирәк, һәр команда арасында кызу көрәш барды, трибуналар җанатарлар тавышыннан гөж килеп торды. Турнирны иң беренчеләрдән булып...

    23 февраль көнне Вахитов авыл җирлегендә узачак авыл яшьләренең VI спартакиадасына аерым спорт төрләре буенча сайлап алу турлары дәвам итә. Якшәмбе көнне авыл егетләре хоккейда көч сынашып, иң көчлеләр билгеләнде. Шунсын да әйтергә кирәк, һәр команда арасында кызу көрәш барды, трибуналар җанатарлар тавышыннан гөж килеп торды.

    Турнирны иң беренчеләрдән булып Урсай һәм Әгерҗе командалары ачты. Биредә 5:0 исәбе белән урсайлылар җиңүгә иреште. Тымытыкның - "Ык", Әсәйнең "Ак бүре" командалары бозны "дер селкетте" дисәң дә ялгыш булмас. Бу юлы Тымытык егетләре көчлерәк булып чыкты, исәп - 3:2. Кәкре Елга командасын актүбәлеләр җиңгән булса да, икенче уенда исә бистә командасын шулай ук 3:2 исәбе белән әсәйлеләр җиңде. Уразай белән Урсай арасында барган көрәш исә Уразай авылы яшьләре файдасына тәмамланды. Тымытык командасы кәкреелгалыларны да "тар-мар" итеп, финалга чыкты. 23 февраль көнне "Ык" белән "Ак бүре" командалары кабат очрашып, 1 һәм 2 нче урыннар өчен уйнаячак. Өченче урын кемгә эләгер: Кәкре Елгагамы, әллә Актүбәгәме? Монысы да авыл яшьләренең VI спартакиадасында ачыкланачак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: