Азнакаево
  • Рус Тат
  • Азнакайдан Минзифа Солтанова тормыш сынауларын кыю узган

    Шәһәрдә һәм районда өлкән яшькә җитүчеләрне хөрмәтләү дәвам итә. Шушы көннәрдә Азнакайда гомер кичерүче Минзифа Солтанова туган көне уңаеннан мәртәбәле кунакларны кабул итте. Таңсылу САНИЕВА Минзифа апа Солтанованы 85 яшьлек юбилее белән котларга район җитәкчелеге, якыннары килгән иде. Марсель Шәйдуллин сугыш ветеранына котлау хатларын, бүләкләр тапшырып, изге теләкләрен җиткерде. Түбән...

    Шәһәрдә һәм районда өлкән яшькә җитүчеләрне хөрмәтләү дәвам итә. Шушы көннәрдә Азнакайда гомер кичерүче Минзифа Солтанова туган көне уңаеннан мәртәбәле кунакларны кабул итте.

    Таңсылу САНИЕВА

    Минзифа апа Солтанованы 85 яшьлек юбилее белән котларга район җитәкчелеге, якыннары килгән иде. Марсель Шәйдуллин сугыш ветеранына котлау хатларын, бүләкләр тапшырып, изге теләкләрен җиткерде.

    Түбән Сукаеш авылында туып-үскән Минзифа Миргазиз кызына тормышның барлык авырлыкларын күрергә туры килгән. Татшуган авылы егете Рәискә кияүгә чыккан ханымга ир канатына сыенып озак яшәү насыйп булмый. Тормыш иптәше вафат булганнан соң, тол хатын Азнакайга килеп сыена һәм 29 нчы төзү-монтаж идарәсендә армый-талмый егерме ел хезмәт куя. Ялгызы ике бала - Венера белән Фәнисне тәрбияләп, олы тормыш юлына аяк бастыра ул.

    - Әни минем өчен иң якын дустым, сердәшчем, - ди аның хакында кызы Венера.

    Тормышның ачысын да, төчесен дә күргән Минзифа апа бүгенге көндә үзен бик бәхетле хис итә, чөнки ике баласына ул акыллы киңәшче, онык һәм оныкчыкларына яраткан әби дә. Аңа карап, аны тугызынчы дистәсен ваклаучы кеше димәссең, тынгысыз юбиляр тормыш бәрәкәтен хәрәкәттән таба.

    - Мондый тормышка сөенеп туя алмыйм, Аллага шөкер, дөньям түгәрәк. Авыр еллар һаман да истә, балаларга да, башкаларга да шундый кыенлыкларны күрергә язмасын, - иң зур теләге әнә шундый 85 яшендә чәчәк бәйләмнәренә күмелгән Минзифа апаның.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: