Азнакаево
  • Рус Тат
  • Азнакайда “Татарстанда чиста булачак” дип аталган экологик марафон үтте

    5 июнь - Әйләнә-тирәне сак-лау көнендә республи-каның 14 шәһәрендә, шул исәптән Азнакайда, "Татарстанда чиста булачак" дип аталган экологик марафон үтте. Бу көнне шәһәрдә яшәүче олысы-кечесе Кара елганың яр буйларын чүптән арындырырга чыкты. Шәһәр халкы бөтен чүбен бирегә ташыган диярсең! Ниләр генә юк монда: ватык шешәләр, пластик савытлар, аяк киемнәре, төрле...

    5 июнь - Әйләнә-тирәне сак-лау көнендә республи-каның 14 шәһәрендә, шул исәптән Азнакайда, "Татарстанда чиста булачак" дип аталган экологик марафон үтте.
    Бу көнне шәһәрдә яшәүче олысы-кечесе Кара елганың яр буйларын чүптән арындырырга чыкты. Шәһәр халкы бөтен чүбен бирегә ташыган диярсең! Ниләр генә юк монда: ватык шешәләр, пластик савытлар, аяк киемнәре, төрле пакетлар, каплар... Беренче карашка, әлеге чүпләрне көн буе йөрсәң дә җыеп бетерә алмассың кебек. Әмма "Күз курка, кул эшли", - дип тырышкан өмәчеләр автовокзал кырыннан Җиңү паркына кадәр юл үтеп, барлыгы 10 тонна чүпне тиз генә арада җыйды да куйды.
    Ничек кенә булмасын, кеше үзе яшәгән җирне пычратырга түгел, ә тазартырга, бизәргә тиештер. Экологик марафонда катнашучылар да зур энтузиазм, оптимизм һәм хезмәт җимешләренең бушка булмавына ышаныч һәм өмет белән тазартты тирә-якны.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: