Азнакаево
  • Рус Тат
  • Азнакайда мөмкинлекләре чикләнгәннәр арасында туризм буенча республика чемпионаты узды

    Өч көн буена районыбызның Алферовка авылында физик мөмкинлекләре чикләнгәннәр арасында туризм буенча республика чемпионаты узды. Анда 8 команда каршылык полосаларын узу, учак ягу, палатка җәю һәм җыю, табигать шартларында азык әзерләү бәйгеләрендә көч сынашты. Беренчелекне - актанышлылар, икенче урынны - азнакайлылар, өченче урынны сабалылар яулады. - Әлеге чара җиденче ел...

    Өч көн буена районыбызның Алферовка авылында физик мөмкинлекләре чикләнгәннәр арасында туризм буенча республика чемпионаты узды. Анда 8 команда каршылык полосаларын узу, учак ягу, палатка җәю һәм җыю, табигать шартларында азык әзерләү бәйгеләрендә көч сынашты. Беренчелекне - актанышлылар, икенче урынны - азнакайлылар, өченче урынны сабалылар яулады.


    - Әлеге чара җиденче ел рәттән Татарстан Республикасының инвалидлар спорт-физкультура җәмгыяте тарафыннан оештырыла. Программа бик бай булды. Чемпионатта катнашучылар үз осталыкларын гына күрсәтеп калмады, ә көч һәм егәр җыйды, бер-берсе белән аралашты, - ди җәмгыять җитәкчесе Фәридә Сәлимгәрәева.


    -Сезнең якның табигатенә гашыйк булдык. Бирегә язмыш сынауларына карамыйча, авырлыкларны җиңеп, тулы тормыш белән яшәүче кешеләр җыелды, - ди Түбән Камадан Анатолий Закукин.


    - Үз эчеңә бикләнеп яшәргә ярамый. Юкны бар итеп, елыйсы килгәндә дә елмаеп яшәргә кирәк, - ди Актаныштан Резеда Вәгыйзова.


    Гөлназ Бәдертдинова

    Фото moi-sport72.ru сайтыннан

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: