Азнакаево
  • Рус Тат
  • Азнакайда мөмкинлекләре чикләнгән балалар өчен кече Сабантуй үткәрелде

    Физик мөмкинлекләре чикләнгән балалар өчен кече Сабантуй үткәрү районыбызда күркәм традициягә әверелде. 5 июньдә Мәдәният йортының «Релакс» залы күңелле шау-шудан гөрләп торды. Сабантуй ял паркында узарга тиеш иде, әмма яңгыр комачаулады. Моңа карап бәйрәм рухы, Сабантуй төсмерләре җуелмады: җырлары да, уеннары да җитәрлек булды. Балалар кашык белән су ташыды, капчык...

    Физик мөмкинлекләре чикләнгән балалар өчен кече Сабантуй үткәрү районыбызда күркәм традициягә әверелде. 5 июньдә Мәдәният йортының «Релакс» залы күңелле шау-шудан гөрләп торды.
    Сабантуй ял паркында узарга тиеш иде, әмма яңгыр комачаулады. Моңа карап бәйрәм рухы, Сабантуй төсмерләре җуелмады: җырлары да, уеннары да җитәрлек булды. Балалар кашык белән су ташыды, капчык киеп тә, үзләре кадәр зур кәлүшләр сөйрәп тә йөгерде. Берсе дә бүләксез калмады: район хакимияте, предприятие-оешмалар, шәхси эшмәкәрләр бу яктан зур кайгыртучанлык күрсәткән.


    Бәйрәм белән кунакларны муниципаль район башлыгы Марсель Шәйдуллин тәбрикләде.
    - Районда физик мөмкинлеге чикләнгән балалар өчен 2 мәктәп, балалар бакчаларында махсус төркемнәр эшли. "Азнакай" хәйрия фондына күп кенә предприятие-оешмалар акча күчерә, бу акчалар мохтаҗларга ярдәмгә тотыла. Без бер генә гаиләне дә игътибардан читтә калдырырга тиеш түгел, алга таба да ярдәм кулы сузачакбыз, - диде ул ата-аналарга бала тәрбияләүдә сабырлыклары, көчле рухлары өчен рәхмәтен белдереп.


    Мондый чаралар өйдә генә утыручы балалар өчен яшьтәшләре белән бердәнбер аралашу, күңел ачу мөмкинлеге.
    - Улыма 9 яшь. Бәйрәмнәрне бик көтеп ала. Бүген дә шундый ашкыну белән килде. Оештыручыларга зур рәхмәт! - ди Гөлназ Шакирова.
    Резеда Шәрипова

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: