Азнакаево
  • Рус Тат
  • Азнакайда көзге хәрби чакырылыш башланды

    Бу көздә районыбыздан 80 гә якын егет хәрби хезмәткә китәчәк.

    1 октябрьдән Азнакай хәрби комиссариатында чакырылыш комиссиясе эшен башлады.

    Комиссия үтүчеләрнең барысы да армиягә барырга әзер икәнлекләрен белдерделәр.

    – Һава-десант гаскәрләрендә хезмәт итәргә телим. Анда ныклы чыныгу аласың, – ди Рузил Дәүләтшин

    Комиссиягә туганы Василий Морзаев белән килгән. Василий үзе разведкада, аннан махсус назначениедагы частьта хезмәт иткән, шуңа күрә армия тормышы белән яхшы таныш. Булачак солдатка киңәшләрен дә биргән.

    – Тормышка икенче күзлектән карарга өйрәнеп, акыл утыртып кайттым, – ди егет.

    Арада хәрби юнәлештә белем алучылар да бар. Нияз Поликов техникумда хәрби-техник кадет корпусын тәмамлаган.

    – Хәрби машиналар буенча автомеханик һөнәрен үзләштердем. Яхшы частька эләгермен һәм һөнәрем армиядә ярдәм итәр дип ышанам, – ди ул.

    Азнакай хәрби комиссариаты бушка ДОСААФ аша армиягә китәсе егетләрне “С” категорияле шоферлыкка укыта.

    – Шоферлар армиядә аеруча кирәк. Мондый мөмкинлекне кулдан ычкындырмасыннар иде. Анда бер ел стаж туплап кайтачаклар һәм яңадан эшкә урнашырга да җиңелрәк булачак, – ди хәрби комиссар Рәдиф Камалеев.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: