Азнакайда контракт буенча хезмәт итәргә китүчеләр артканнан-арта

Соңгы елларда контракт буенча хезмәт итәргә китүчеләр безнең районда да артканнан-арта. Узган атнада Балалар иҗаты үзәгендә бу төр хезмәт турында сөйләшүгә багышланган очрашу үтте. Анда оешма-предприятиеләрдән җыелган эшче яшьләр, бүген-иртәгә солдат булырга әзерләнгән өлкән сыйныф укучылары алдында район башлыгы урынбасары Наҗәт Нәгыймов чыгыш ясады. Казаннан килгән хәрбиинструкторлар Николай Ильин һәм Шамил Алтынбаев контрактлы хәрби хезмәткә урнашу шартлары, түләү тәртипләре, өстенлекләре һәм ташламалары турында тәфсилләп аңлаттылар, сорауларга җаваплар бирделәр.