Азнакаево
  • Рус Тат
  • Азнакайда ишек алды бәйрәмнәре дәвам итә

    Җәен шәһәребездә ишек алды бәйрәмнәре уза. Июльнең соңгы көнендә 26 нчы квартал да шау-гөр килде. Район үзешчәннәренең һәр чыгышын көчле алкышлар белән каршылады халык. Миргаяз Шәрәфиевнең моңлы җырлары аеруча дулкынландырды. Мондый бәйрәмнәрдә җитәкчеләр дә катнаша һәм кешеләр аларга үзләрен борчыган сораулар белән мөрәҗәгать итәләр. Бу көнне дә район башлыгы Марсель...

    Җәен шәһәребездә ишек алды бәйрәмнәре уза. Июльнең соңгы көнендә 26 нчы квартал да шау-гөр килде.

    Район үзешчәннәренең һәр чыгышын көчле алкышлар белән каршылады халык. Миргаяз Шәрәфиевнең моңлы җырлары аеруча дулкынландырды.

    Мондый бәйрәмнәрдә җитәкчеләр дә катнаша һәм кешеләр аларга үзләрен борчыган сораулар белән мөрәҗәгать итәләр. Бу көнне дә район башлыгы Марсель Шәйдуллин, аның урынбасарлары, хезмәт күрсәтүче предприятие вәкилләре, "Восход" торак милекчеләр ширкәте рәисе Минзаһит Зиакаев халыкның сорауларына җавап бирделәр, берсе генә дә игътибардан читтә калмады.

    Әлбәттә, бәйрәм бүләксез булмый. Кварталны төзекләндерү һәм яшелләндерүгә өлеш кертүчеләргә, өлкән яшьтәге юбилярларга бүләкләр тапшырылды.

    Алар арасында 95 яшьлек сугыш һәм хезмәт ветераны Зәкия Җәләлетдинова да бар иде. "Восход" торак милекчеләр ширкәтенең иң яхшы хезмәткәрләре исә район башлыгының Рәхмәт хатларына лаек булдылар.

    Әнә шулай чәй табыны, җыр-биеләре белән гөрләп узды квартал бәйрәме.

    Алсу Зиатдинова

    Фото aznakayevo.tatarstan.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: