Азнакайда “Чыршы” операциясе бара

– Урманнан чыршы кисеп алып кайтучыларга закон нигезендә административ җаваплылык – физик затларга – 4000, вәкаләтле затларга – 40 мең, юридик затларга  400 мең сумга кадәр штраф салу каралган.  

Монннан тыш, гаепле кеше урман хуҗалыгына китерелгән зыян өчен дә түләргә тиеш. Ул 5 мең сумнан артып китә икән, РФ Җинаятьләр кодексы нигезендә җавап бирергә туры киләчәк.

- Дәүләт урман инспекторлары һәм полиция хезмәткәрләре Яңа ел алды көннәрендә ылыслы агачларны саклау буенча күзәтчелекне көчәйтә. 31 декабрьгә кадәр рейдлар оетышрылачак, – ди Азнакай урманчылыгы җитәкчесе РәфисГалиуллин.

Бәйрәмегезнең яме китмәсен дисәгез, чыршы-наратларны  сату вәкаләтләре булган урыннардан гына алыгыз. Хокук бозу очракларына юлыкканда Азнакай урманчылыгына 7-85-17 телефоны буенча хәбәр итү сорала.

Күп санлы мөрәҗәгатьләргә бәйле рәвештә аңлатып узабыз, гражданнар урманнарда үз ихтыяҗлары өчен корыган, ауган агачларны ирекле җыя ала. Бу урында көчле җил, буран яисә күпләп яуган кар нәтиҗәсендә җиргә сынып төшкән, ләкин урман кисү эшләре уздырылган урыннарда агач кисү калдыклары булып тормаган корыган ботаклар яисә агач кәүсәләре турында сүз бара.

Мондый агачларны бары тик кул көче белән кулланыла торган инструментлар, җайланмалар һәм механизмнар (балта, кул пычкысы) ярдәмендә генә җыярга ярый.