Азнакайда Бөтенроссия пляж волейболы турниры үтте

Азнакайның "Юбилейный" су-сәламәтләндерү комплексында ир-егетләр командалары арасында Бөтенроссия пляж волейболы турниры үтте.

Бәйге үзенә Россиянең һәм республикабызның төрле шәһәрләреннән 13 команданы туплаган иде.

Һава температурасының югарылыгы, кояш кыздырып тору уенның шартларын тагын да кискенләштерде. Призлы урыннар алган командаларга көненә хәтта 6шар уенда катнашырга туры килде.

Беренче ике призлы урынны Ижевск командалары алды.

Әлеге командалар составында хәтта пляж волейболы буенча дөнья һәм Россия чемпионатларында катнашучылар да бар иде. Призлы өченче урын исә Сергей Галаганов һәм Айдар Гарифуллин катнашындагы Азнакай командасына бирелде.