Азнакаево
  • Рус Тат
  • Азнакайда балигъ булмаганнар эше буенча комиссия Вахитов яшүсмерләрнең проблемаларын тикшерде

    Балигъ булмаганнар эше буенча комиссиянең киңәйтелгән утырышында Вахитов авыл җирлегендә яшүсмерләр арасында хокук бозулар профилактикасы хакында сүз барды. Авыл җирлеге башлыгы Ленар Мөкъсинов һәм мәктәп директорының тәрбия эшләре буенча урынбасары Дамир Фәттахов әлеге юнәлештә башкарыла торган эшләр белән таныштырдылар. Кызганычка каршы, Вахитов авыл җирлеге - иң тынгысыз участокларның берсе. Карамагында...

    Балигъ булмаганнар эше буенча комиссиянең киңәйтелгән утырышында Вахитов авыл җирлегендә яшүсмерләр арасында хокук бозулар профилактикасы хакында сүз барды.


    Авыл җирлеге башлыгы Ленар Мөкъсинов һәм мәктәп директорының тәрбия эшләре буенча урынбасары Дамир Фәттахов әлеге юнәлештә башкарыла торган эшләр белән таныштырдылар. Кызганычка каршы, Вахитов авыл җирлеге - иң тынгысыз участокларның берсе. Карамагында авыллар да күп - бишәү. Читтән күченеп килүчеләр шактый. Гадәттә, андый гаиләләр эчкече, башка җирдән куылган була.


    - Йорт сатып алганда, пропискага кергәндә авыл җирлеге башкарма комитетының аларга каршылык күрсәтергә хакы юк. Социаль имин булмаган гаиләләрдә әти-әниләр шәхси тормышларына тыкшынуны яратмыйлар, - ди Ленар Мөкъсинов.


    Комиссия әгъзалары җирлектә җәмәгатьчелек тәрбиячеләре эшен көчәйтүне һәм балигъ булмаганнар арасында хокук бозулар профилактикасына иҗтимагый оешмаларны да тартуны бурыч итеп куйдылар.


    Гаиләгә һәм балаларга социаль ярдәм күрсәтү бүлеге мөдире Лилия Хәлимова чыгышыннан күренгәнчә, быел ведомствоара социаль консилиумда 45 гаиләнең эше тикшерелгән, 5 гаилә исәпкә алынган. Социаль имин булмаган гаиләләр белән эшне җайлаштыру максатында район һәм шәһәр территориясендә 5 социаль участок төзелгән, һәрберсенең социаль картасы булдырылган.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: