Азнакаево
  • Рус Тат
  • Азнакайда 500 нче бала туды

    Бәйрәм көннәрендә район башкарма комитетының ЗАГС бүлегендә Азнакай шәһәренең 500нче баласын теркәү тантанасы булды. Яңа кеше туу - ул бәхет һәм нәселне дәвам итү дәлиле. Сабый нәни кулларын өскә суза, тизрәк аякларына басасы, бар гүзәллеге белән якты дөньяны күрәсе килеп: «Минем яшисем килә!» дип аваз сала. Бу нәни генә бала...

    Бәйрәм көннәрендә район башкарма комитетының ЗАГС бүлегендә Азнакай шәһәренең 500нче баласын теркәү тантанасы булды.

    Яңа кеше туу - ул бәхет һәм нәселне дәвам итү дәлиле. Сабый нәни кулларын өскә суза, тизрәк аякларына басасы, бар гүзәллеге белән якты дөньяны күрәсе килеп: «Минем яшисем килә!» дип аваз сала. Бу нәни генә бала гаиләгә нинди зур бәхет, шатлык алып килә.

    Реклама

    2011 елның 2 октябрендә Шәрәфиевләр гаиләсендә Гүзәл исемле кыз дөньяга килә. Нәниләрен теркәү өчен, әлбәттә, әти-әниләре ЗАГСка мөрәҗәгать итәләр һәм ул 500 нче бала булып теркәлә. Вакыты да нинди истәлекле бит: Халыклар бердәмлеге көне. Гүзәлнең әти-әнисен котларга тантанага аның әбисе, бабасы, якын туганнары, дуслары да килә.

    Бәхетле әти-әниләр, әби-бабайларны район башлыгы, район башкарма комитеты җитәкчесе, депутатлар корпусы исеменнән район башлыгы урынбасары Наҗәт Нәгыймов котлады һәм аларга сабыйларының беренче рәсми документы - туу турындагы таныклыгын тапшырды. Яшь парны шулай ук башкарма комитет җитәкчесе урынбасары Альбина Темирбулатова тәбрикләде.

    Гүзәл - Шәрәфиевләр гаиләсендә - беренче, ә менә 2011 елда шәһәрдә туган балалар арасында 500 нче бала. Ул 500нең 212се-гаиләдә беренче, 206сы - икенче, 65е -өченче, 12се -дүртенче, 2шәре - бишенче һәм алтынчы, берсе җиденче бала булып дөньяга килгәннәр.

    Бу елда тагын бер истәлекле вакыйга булды: 31 октябрьдә җир шарында җиде миллиардынчы бала туды. Анысы Калининград шәһәреннән Петр Николаев. БМО карары нигезендә 31 октябрь планетаны популяцияләү көне буларак игълан ителде.

    Оксана ИЛЬЯСОВА

    Нравится
    Поделиться:
    Реклама
    Комментарии (0)
    Реклама
    • Азнакай шәһәрендә Пионерия көнен билгеләп үттеләр
    • Азнакай шәһәрендә районы башлыгы Кубогына бадминтон буенча турнир узды
    • Азнакай районында Стәрле елгасы ярлары җимерелүен туктату максатыннан агачлар утыртылды
    • Азнакай шәһәредә ачык бассейнны төзекләндерәләр
    • "Эшкә - велосипедта" бөтенроссия акциясенә Азнакай да кушылды
    • "АЗНАКАЙның ҮЛЕМСЕЗ ПОЛКы" СМАРТМОБына СИН ДӘ КУШЫЛ
    Ночной режим