Азнакаево
  • Рус Тат
  • Азнакай спортчыларының яңа җиңүләре

    Казан шәһәрендә спортның җиңел атлетика төре буенча берьюлы берничә ярышлар үтте: 20 яшькә кадәргеләр арасында кышкы шәхси-команда ТР чемпионаты һәм республика беренчелегенә бәйгеләр, ветераннар арасында ТРның ачык кышкы чемпионаты. Ярышларда Татарстанның төрле почмакларыннан 350 спортчы, шул исәптән Азнакайның "Лидер" спорт мәктәбенә йөрүчеләр катнашты. Өч көн дәвамында алар үз яшь төркеме...

    Казан шәһәрендә спортның җиңел атлетика төре буенча берьюлы берничә ярышлар үтте: 20 яшькә кадәргеләр арасында кышкы шәхси-команда ТР чемпионаты һәм республика беренчелегенә бәйгеләр, ветераннар арасында ТРның ачык кышкы чемпионаты.

    Ярышларда Татарстанның төрле почмакларыннан 350 спортчы, шул исәптән Азнакайның "Лидер" спорт мәктәбенә йөрүчеләр катнашты. Өч көн дәвамында алар үз яшь төркеме буенча бәйгеләрдә җиңү өчен көрәштеләр. "Лидер"ның кичәге шәкертләре, бүген Казанның төрле югары уку йортларында белем алучы Илназ Шәрифуллин көмеш һәм бронза медальләр,

    Виктория Бәхтиярова бронза медальгә лаек булдылар. Төрле программаларда Назим Гарипов, Илназ Минниханов, Закир Сәлифов, Искәндәр Илалетдинов, Светлана Ананьева, Булат Хафизов, Айнур Шиһапов шәхси рекордлар куйдылар.

    Ветераннар арасында Илһам Сәлифов биеклеккә сикерүдә һәм Лилия Хафизова йөгерү, сикерүдә республика чемпионнары булдылар. Командалар арасында азнакайлылар авыл районнары арасында өченче урынны яулады.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: