Азнакаево
  • Рус Тат
  • Азнакай рәссамы Дамир Хафизов «Арт-Сабантуй 2014» бәйгесендә катнаша

    20 февральдән 22 мартка кадәр Әлмәт шәһәрендә «Арт-Сабантуй 2014» рәсем сәнгате әсәрләре бәйгесе уза. Анималистик һәм көнкүреш жанрларында башкарылган рәсем сәнгате әсәрләре бәйгесендә якташыбыз - Азнакай рәссамы Дамир Хафизов та катнаша. Ул Лениногорск педагогия көллиятенең сәнгать-графика бүлеген, ТДГПУның география факультетын тәмамлаган. Татарстан Республикасы рәссамнар Союзы әгъзасы булып тора; шәһәр, төбәк,...

    20 февральдән 22 мартка кадәр Әлмәт шәһәрендә «Арт-Сабантуй 2014» рәсем сәнгате әсәрләре бәйгесе уза.

    Анималистик һәм көнкүреш жанрларында башкарылган рәсем сәнгате әсәрләре бәйгесендә якташыбыз - Азнакай рәссамы Дамир Хафизов та катнаша. Ул Лениногорск педагогия көллиятенең сәнгать-графика бүлеген, ТДГПУның география факультетын тәмамлаган. Татарстан Республикасы рәссамнар Союзы әгъзасы булып тора; шәһәр, төбәк, республика күргәзмәләрендә катнаша.

    «Арт-Сабантуй 2013» проекты күчмә бәйге-күргәзмәдә катнашучылар һәм тамашачының игътибарын тиз яулады: бер ай дәвамында күргәзмә белән 10 000 нән артык кеше танышты. Шул сәбәпле «Арт-Сабантуй 2014» проектын «Кеше тормышында ат» һәм «Балачак дөньясы» темалары буенча бәйге рәвешендә дәвам итү турында карар кабул ителде.

    Иң яхшы сәнгать әсәрләре Әлмәт шәһәре учрежденияләрендә урнашкан күчмә күргәзмәдә һәм http://www.art-sabantuy.ru/gallery/index сайтында урын алган. Азнакай рәссамы Дамир Хафизовның эше 12 саны белән бирелгән һәм "Печән өсте тәмамлана" (Завершение сенокоса) дип атала.

    Бәйгенең җиңүчесе сайтта тавыш бирү ярдәмендә билгеләнәчәк.

    + тамгасы яисә "миңа ошый" (мне нравится) дигән язуга басып, якташыбыз өчен тавыш бирик!

    Тавыш бирү 21 мартта тәмамланачак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: