Азнакай

Азнакай районы

18+
Рус Тат
2024 - Гаилә елы
ҖӘМГЫЯТЬ

Азнакай игенчеләрен эшкә «Юлдаш» рухландыра

"Азнакай" АФ" ҖЧҖнең Илбәк бүлекчәсе иген кыры гөр килә. Алтын келәм булып чайкалучы көзге бодай "диңгезендә" комбайннар "йөзә". Шунда ук "КамАЗ" машиналары тезелгән. Иген уңышын төяп, алар элеваторга юл тота. Исәбем, комбайнчылар төшке ашка туктагач, бераз гәп корып алу иде. Менә басуга пешекче дә килеп җитте. Комбайнчылар, тиз-тиз капкалап, корыч...

"Азнакай" АФ" ҖЧҖнең Илбәк бүлекчәсе иген кыры гөр килә. Алтын келәм булып чайкалучы көзге бодай "диңгезендә" комбайннар "йөзә". Шунда ук "КамАЗ" машиналары тезелгән. Иген уңышын төяп, алар элеваторга юл тота. Исәбем, комбайнчылар төшке ашка туктагач, бераз гәп корып алу иде. Менә басуга пешекче дә килеп җитте. Комбайнчылар, тиз-тиз капкалап, корыч айгырларына юл тоталар. Минем аптыравым йөземә чыкты, ахры.

- Яңгырлар тәмам үзәккә үтте бит. Һәр аяз көннең сәгатен, минутын файдаланып калырга тырышабыз, - дип куйды җәмгыятьнең баш агрономы Илдус Аитов. - Урып-җыю бар көченә бара. Комбайннар төзек, машиналар икмәкнең һәр бөртеген көтеп тора. Уңыш яхшы: гектарыннан уртача 28-29 центнер чыга. Тиешле технологияләрне саклап, яхшылап тәрбияләгәч, басулар чиста, турыга гына суктыруда авырлык тудырмый. Булган игеннәрнең 15 процентын сыйфатлы итеп җыйнап алуга ирештек. Егетләребез дә ут безнең. Расих Фазлыев, Илгиз Шәрәфиев, Алмас Шәехов - "Акрос"; Илнар Садыйков, Әнвәр Әлһамов - "Нью-Холланд"; ветеран-игенче Хатыйп Сибгатуллин, яшь егетләр: Элвир Гайнанов, Илнур Ибраһимов "Нива" комбайннарында югары күрсәткечләргә ирешәләр.

Урып-җыю чорында һәркем үз өлешен кертә. Район һәм шәһәр Мәдәният йорты каршында оешкан "Юлдаш" агитбригадасы да бу көннәрдә басулардан кайтып керми. Игенчеләрнең санаулы ял минутларын күңелле итү өчен бар көчләрен куялар.

- Без электән килгән матур традицияне югалтмыйча саклыйбыз. Танышларымнан сораган бар: күп районнарда агитбригадалар юк та инде, - ди 35 ел буена гармун уйнап, игенчеләрне күңелле ял иттергән Заһир Ильясов.

Нәсимә ФАЗЛЫЕВА

Следите за самым важным и интересным в Telegram-каналеТатмедиа

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Азнакай игенчеләрен эшкә «Юлдаш» рухландыра