Азнакайлылар мобилизацияләнүчеләр янына барды

Республикабыздан мобилизацияләнүчеләр биредә хәрби әзерлек узалар. Аларга ватандашларының рухи терәген тою зур көч бирә.

– Сез бүгенге көннең геройлары, илебезнең патриотлары. Без, хатын-кызлар да, җиңүгә үз өлешебезне кертеп, солдатларга җылы киемнәр әзерлибез, исән-сау әйләнеп кайтсыннар дип догалар кылабыз. Азнакай муниципаль районы башлыгы Марсель Шәйдуллин, барлык әниләр, апалар, сеңелләр исеменнән сезгә кайнар сәламнәребезне һәм зур рәхмәтебезне җиткерәбез. Без бергә, бердәм булырга тиеш! – диде Роза Галиева.

Мәдәният йорты артистлары мобилизацияләнүчеләргә үзләренең җыр-моңнарын бүләк иттеләр һәм азнакайлылар пешереп җибәргән тәмле күчтәнәчләрне тапшырдылар.

Очрашуда шулай ук отставкадагы генерал-майор Стогниев Иван Данилович та катнашып, ир-егетләрне хәрби бурычларын намус белән үтәргә, Ватанны  сакларга чакырды.