Азнакаево
  • Рус Тат
  • Актүбә бистәсенең “Сударушка” ансамблен Казан тамашачысы үз итте

    Рус җырларын башкаручыларның "Батырлыкка безне "Катюша" рухландырды" исемендәге VII республика конкурсының өч турында да уңышлы чыгыш ясап, Актүбә бистәсенең Ю.Гагарин исемендәге Мәдәният йорты каршында эшләүче "Сударушка" халык вокаль ансамбле (җитәкчесе Юрий Хвалеев) Казан шәһәрендә буласы гала-концертта катнашу хокукына ия булган иде. Ул 22 апрель көнне башкалабызның "Ак Барс" Яшьләр үзәге...

    Рус җырларын башкаручыларның "Батырлыкка безне "Катюша" рухландырды" исемендәге VII республика конкурсының өч турында да уңышлы чыгыш ясап, Актүбә бистәсенең Ю.Гагарин исемендәге Мәдәният йорты каршында эшләүче "Сударушка" халык вокаль ансамбле (җитәкчесе Юрий Хвалеев) Казан шәһәрендә буласы гала-концертта катнашу хокукына ия булган иде.

    Ул 22 апрель көнне башкалабызның "Ак Барс" Яшьләр үзәге концерт залында узды. Анда барлык турларда да катнашкан 60 коллективтан иң яхшылары дип сайлап алынган 25 е, шулар арасыннан Азнакай муниципаль районын тәкъдим итүче безнең "Сударушка" ансамбле дә бар иде.

    Әлеге мәртәбәле конкурсны Татарстан Республикасының Мәдәният министрлыгы каршындагы милли-традицион культураны үстерү үзәге оештырды һәм ул чын бәйрәмгә әверелде. Яшьләр үзәгенә керә-керешкә рус җырлары яңгырады, эчтә кул эшләре күргәзмәсе эшләде, шунда ук милли эшләнештәге сувенирлар сатылды.

    Залның шыгрым тулы булуы үзе үк тамашачының рус җырларына булган тирән мәхәббәте турында сөйләде. Гала-концертны оештыручылар программаны лирик, күңел җилкеткеч, патриотик һәм, билгеле инде, Бөек Ватан сугышы чоры җырларын да кертеп төзегәннәр.

    Бу аларның зур отышы булды. Залда утыручыларның күбесе түзә алмады, башкаручыларга кушылып үзләре дә җырлады. Чыгыш ясаучыларга һәм аларны җылы кабул иткән тамашачыга карап рус җырының һәр милләт вәкиле өчен дә якын булуын, халыкларны берләштерүен күрү күңелне сөендерде.

    Зәвыклы тамашачы безнең "Сударушка" вокаль ансамбле чыгышын да шулай якын кабул итте, көчле кул чабулар белән сәхнәгә каршы алды һәм озатып калды.

    Нина ХВАЛЕЕВА,

    Ю.Гагарин исемендәге Мәдәният йорты директоры,

    Татарстанның Атказанган мәдәният хезмәткәре



    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: