Батырлар даны – мәңгелек

Бөек Ватан сугышы - халкыбыз күңелендә кешелек дөньясындагы иң канкойгыч, авыр сугыш буларак хәтердә калды. Илебез иреклеген яклап, меңнәрчә якташыбыз чит җирләрдә геройларча ятып калды. Бүген аларның батырлыклары алдында баш иябез. Сталинград өчен барган алышлар иң канкоешлылардан санала. Монда катнашкан меңнәрчә йөз кешенең батырлыгы онытылмый һәм онытылмаячак та. Сталинград көрәшендә безнең районнан да бик күп кеше катнашкан. Без бүген дә аларның батырлыклары белән горурланабыз. Сталинград өчен барган алышларда катнашып, бүгенге дөньяга куанып яшәүче Хәсәнҗан Абдрахманов, Харис Сәетов, Зыятдин Шәрәпов, Таҗетдин Шакиров - үсеп килүче буын өчен тере тарих. Ветераннарыбызга бәхетле картлык насыйп булып, ватаныбыз күге һәрчак чиста һәм аяз булсын!
Марсель ШӘЙДУЛЛИН, Азнакай муниципаль районы башлыгы