Азнакай ветераннары районның баш табибе белән очрашты

Район ветераннар советында җитәкчеләр белән проблемаларны уртага салып сөйләшү, аларны хәл итү юлларын бергәләп эзләү максатында очрашулар даими үтеп тора. Шундый очрашуларның берсе кичә, район үзәк сырхауханәсе баш табибы Илдар Шиһапов белән үтте. Өлкәннәрне поликлиника эшчәнлеге, аерым алганда, табибларның авыруларга мөнәсәбәте, диспансеризация барышы, бүгенге көннең проблемасы булып торган туберкулез, йөрәк-кан, яман шеш авырулары профилактикасы һәм башка актуаль мәсьәләләр кызыксындырды. Әле 3 кенә ай эшләү дәверендә Илдар Фираил улының районыбыз ветераннары белән менә шулай ачыктан-ачык сөйләшүе әле беренче генә тапкыр, ике як та бу очрашудан бик канәгать калды, ихлас сүзләре, теләк-тәкъдимнәре өчен ул өлкәннәргә рәхмәтле булуын белдерде.

Лиза Нурлыева