Ашлары тәмле, диләр

Пешекче Зилира Хөснетдинова төшке аш хәзерләү вакытында

Авыл хуҗалыгы һәм азык-төлек идарәсе җитәкчесе Миргасим Усманов белән район хуҗалыкларында кыр эшләре барышы белән танышып йөргәндә искәргәнем бар: кайда гына булмасын, беренче чиратта ул механизаторларның эш шартлары, төшке һәм кичке аш оештыру, аның сыйфаты белән кызыксына.

- Бу юктан гына түгел - иртә таңнан кичке караңгыга кадәр кырда эшләгән игенченең тамагы тук, күңеле көр булырга тиеш. Шулай булганда гына аңардан нәтиҗәле эш сорап була, - ди Миргасим Вәли улы.

"Корбанов" крестьян-фермер хуҗалыгында бу җаваплы эшне Зилира Хөснетдинова башкара. Ул пешергән төрледән-төрле тәмле аш-суларны биредәге игенче-механизаторлар мактап туя алмый.

Наил МАЛИКОВ