Азнакайда «Үз мәктәбеңә ярдәм ит!» акциясе старт алды

Татарстанда ТР Президенты Р.Миңнеханов башлангычы белән «Үз мәктәбеңә ярдәм ит!» акциясе старт алды. Аны ТР Мәгариф һәм фән министрлыгы ТР Төзелеш, архитектура һәм торак-коммуналь хуҗалыгы министрлыгы, Республика матбугат һәм масакүләм коммуникация чаралары агентлыгы белән берлектә үткәрә. Акция барышында предприятие һәм оешмалар җитәкчеләре, банкирлар, сәүдә фирмалары һәм челтәрләре директорлары, эшмәкәрләр үсеп килүче яшь буынга белем һәм тәрбия бирү шартларын яхшыртуда сизелерлек ярдәм күрсәтә һәм үзләре турында якты истәлек калдыра ала. Бу башлангыч мәгариф учреждениеләрен ата-аналардан ремонтка һәм җиһазлауга акча җыюдан азат итәчәк.

Районыбыз һәм шәһәребездә дә җитәкчеләр, эшмәкәрләр акциягә актив кушылырлар дип ышанабыз.