Ана капиталын - торакка

2009 елдан башлап 1219 азнакайлы 392 млн. сумнан артык ана капиталын фатир мәсьәләсен хәл итүгә юнәлтте. 7 гаилә белем алуга өстенлек бирде. Ягъни, күпчелек гаиләләр ана капиталын ипотека кредиты һәм займнар түләүгә тотты.

Ана капиталы сертификатын барлыгы 2000 яшь гаилә алды. Ана капиталы акчаларын пенсиянең җыелма өлешенә юнәлткән сертификат хуҗалары пенсиягә чыкканнан соң аны сроклы түләү рәвешендә ала алалар. Үлеп киткән очракта, калган өлешне варислар - балаларның әтисе яки балалар үзләре алырга хокуклы. Шуны искәртәбез, Ана капиталының күләме бүгенге көндә 387,6 мең сум тәшкил итә.