Заправкада машинасына ут төрткән

Хатын-кыз хатын-кыз инде ул! Юкка гына руль артында утырган ханым һәм туташларны күпчелек ир-ат өнәми торгандыр...

Менә бит әле Сургут шәһәрендә бер автоледи ягулык салу станциясендә үз машинасына үзе ут төрткән. Ягулык салган вакытта ул нилектәндер зажигалка белән файдаланырга уйлаган. Шул сәбәпле ул, бердән, куркынычсызлык кагыйдәләрен бозса, икенчедән, автомобиленә зыян салган.
Әлеге очрак автоледи артыннан чиратта торган автомобиль хуҗасының видеорегистраторына төшерелгән. Моның шаһиты булган хуҗа тиз арада ягулык станциясеннән китәргә ашыккан.