Яшь хоккейчы истәлегенә

Боз сараенда фаҗигале төстә вафат булган «Азнакай бөркетләре» командасы әгъзасы Нурислам Галиев истәлегенә алкалы хоккей буенча турнир узды. Анда Казан, Чиләбе, Яр Чаллы, Ижевск, Лениногорск һәм Азнакайдан командалар катнашты.

Өч көнгә сузылган бәйгедә Яр Чаллы командасы иң көчле булып танылды. Казан спортчылары - көмеш, ә чиләбелеләр бронзага ия булдылар. «Азнакай бөркетләре» командасыннан Р. Галиев, Р. Гатин, А.Шәйдуллин, А.Садриев, Н.Хәсәнов һәм М.Галиев иң яхшы уенчылар булып танылдылар.