Ветераннар актив тормышта

7 апрель - Бөтендөнья Сәламәтлек саклау көне уңаеннан Азнакай шәһәр гимназиясе бинасында Азнакай районы ветераннар активы катнашында конференция узды. Район башкарма комитеты җитәкчесе урынбасары Альбина Темирбулатова конференцияне ачып, сәламәтлекнең мөһим булуын һәм аны саклау һәркемнең үз кулында икәнлеген әйтте. «Гомер озынлыгы уйларның чисталыгы, күңелнең изгелегенә бәйле», - диде ул.

Ветераннар сәламәт тормыш алып баруда фикерләре белән уртаклашты. «Үзен-үзе карап яшәгән, хәрәкәтләнгән, хезмәт сөйгән кеше картайгач та тулы канлы тормыш белән яши ала», - төп фикер әнә шул иде.