Укучыларга бонус карталары тапшырылды

Азнакай 3 нче урта мәктәбендә "SаMоSтоятельные дети" проектында катнашучыларга бонус карталары тапшырылды.
Әлеге проект районыбызда Азнакай һәм Актүбә Балалар иҗат үзәкләрендә 2009 елда эшли башлады. Аларга соңрак Азнакайның 2 нче һәм 9 нчы мәктәпләре, быел 3 нче һәм 4 нче мәктәп укучылары да кушылды.
Проектта катнашучылар мәдәни-агарту чараларында актив катнашалар һәм яшьтәшләре арасында сәламәт яшәү рәвешен пропагандалыйлар; тәмәке, алкоголь, психоактив матдәләр куллануга каршы акцияләр үткәрәләр.
Бонус карталары ярдәмендә алар төрле спорт, мәдәни, күңел ачу үзәкләренә ташламалы бәяләрдән йөри ала.