Тылсым ияләре – зур сәхнәдә

ТР мәгариф һәм фән министрлыгы, балаларга өстәмә белем бирү дәүләт учреждениесе, мәктәптән тыш эшләр буенча республика Үзәге 2006 елдан алып Яр Чаллыда "Сәхнә көзгесе" республика балалар театры фестивале уздырып килә. 21 иҗат төркеме арасында барган бәйгедә Азнакайдан "Иделкәем" республика смотр-конкурсы дипломанты, районның "Чулпан" премиясе лауреаты "Тылсым" балалар коллективы (җитәкчесе Зөлхия Миңнеханова) да катнашып, беренче дәрәҗә лауреат Дипломына лаек булды. Безнең яшь сәхнә осталары Ләбиб Леронның "Тәпәләй белән Чәпәләй маҗарасы"н күрсәтте. Алар бу әсәр белән шәһәребезнең балалар бакчаларында да чыгыш ясый.