Тикшерү узды

Россия Президентының «Гадәттән тыш хәлләрне кисәтү, булдырмау, аларның нәтиҗәләрен ликвидацияләү" дигән карары нигезендә шимбә көнне районда автоматлаштырылган, үзәкләштерелгән хәбәр итү системалары әзерлеге тикшерелде. Шәһәрдә хәбәр итү өчен полиция һәм янгын сүндерү часте, ашыгыч ярдәм машиналары сиреналары, чиркәү, мәчетләрдә тавыш көчәйткечләр файдаланылды.

Кеше күп җыела торган объектларда сигнал бирелгән очракта үз-үзеңне тоту кагыйдәләре аңлатылды. Күнекмәләр вакытында смс-хәбәр тарату үткәрелеп, телеканал мөмкинлекләре дә файдаланылды. Шуны билгеләп үтәргә кирәк, мондый күнекмәләр Россиянең барлык субъектларында да уздырылды.