Солдаттагы башлы Азнакай егете телетапшыруда акча откан

Башың эшләсә, акча да сине үз итә. Әнә, бүгенге көндә Ульяновск өлкәсендә солдат хезмәте үтүче райондашыбыз Рафаэль Мөхәммәдиев тә гел юктан гына табышлы булган. "Что? Где? Когда?" интеллектуаль уенга ул Набоков иҗаты белән бәйле сорау юллый да үзе ноябрь аенда хәрби хезмәткә дә китеп бара. Һәм нәрсә дип уйлыйсыз? Нефтьче һөнәре алып, районыбыз предприятиеләренең берсендә бераз гына эшләп өлгергән башлы егетебезнең соравына зирәк акыллы уенчылар җавап таба алмый. Нәтиҗәдә, отыш Рафаэльгә эләгә. Аның бу уенга сорауны беренче генә юллавы түгел икән. Шәт, отышның да соңгысы булмасын, якташыбызның яхшы гына хезмәт итеп, исән-сау әйләнеп кайтуын телик.