Мәнәвез авылы ветераннарын хөрмәтләделәр. ФОТОРЕПОРТАЖ.

Заманында Мәнәвез авылының алдынгы бригадиры булган Халидә Кәримова Мәдәният йортында хезмәттәшләре белән очрашу оештырды. 9 мәктәп укучылары һәм укытучылары концерт әзерләгән иделәр. Аларның чыгышын ветераннар бик җылы кабул иттеләр. Быел Мәнәвез авылына 90 ел тулды. Җәен олуг юбилейны күңелле итеп табигать кочагында билгеләп уздык. Өлкәннәр чәй табыны артында да авылның тарихын, үзләре эшләгән чорларны искә төшерделәр, хатирәләре белән уртаклаштылар, бакыйлыкка күчкән авылдашлары рухына дога кылдылар.

Гөлназ Исламова, мәдәният йорты мөдире