"Маяк" – җиңүчеләр рәтендә

Узган атна ахырында Татарстан Республикасы судьяларының Президент Рөстәм Миңнеханов катнашындагы IX отчет-сайлау конференциясендә республика судлары һәм Россия Федерациясе суд системасы эшчәнлеген массакүләм мәгълүмат чараларында иң яхшы яктыртуга игълан ителгән "Фемида - 2012" бәйгесенә йомгак ясалды. Бәйгедә 32 мәгълүмат чарасы, шул исәптән 22 газета катнашып, 211 иҗади эш тәкъдим ителде. Биш ел дәвам иткән бу мәртәбәле бәйгедә безнең "Маяк" газетасы өченче тапкыр бүләккә ия булды. Азнакай шәһәр суды белән берлектә чыгарылып килүче "Фемида" махсус сәхифәсендә дөнья күргән журналист Лиза Нурлыеваның суд залыннан язмалары өчен "Маяк" газетасы кызыксындыру призына ия булды.