Марсель Шәйдуллин оешма җитәкчеләренә Бөек Ватан сугышы ветераннарына һәрьяклы адреслы ярдәм күрсәтүне таләп итте

9 Май - Бөек Ватан сугышында Җиңүнең 70 еллыгы тантанасына да санаулы айлар калып килә. Бу уңайдан районда шактый гына чаралар комплексы алып барылса да, башкарасы эшләр дә шактый икән әле. Узган атна азагында предприятие, оешма, учреждение, агросәнәгать тармаклары җитәкчеләре, муниципаль берәмлек һәм авыл җирлекләре башлыклары белән уздырган утырышта муниципаль район башлыгы Марсель Шәйдуллин төп игътибарын әнә шуларга юнәлтте. "Ни кызганыч, сугыш ветераннарыбызның сафы сирәгәйгәннән-сирәгәя бара. Бүген аларның саны нибары 124 кешегә калды. Шуңа да сездән мин һәр Бөек Ватан сугышы ветеранына, аларга тигезләнгәннәргә, үлгән ветераннарның гаиләләренә һәрьяклы адреслы ярдәм күрсәтүне таләп итәм", - диде ул.