Крим-инфо

Узган атнада район территориясендә 4 җинаять кылынган, шуларның өчесе ачылган.
8 май көнне дежур бүлегенә Актүбә эшчеләр бистәсендә кинәт килеп туган низаг аркасында билгесез затның гражданка Л.га пычак белән кадавы турында хәбәр килә. Оператив эзләү чаралары вакытында полиция хезмәткәрләре "кайнар эз"дән Актүбә кешесен кулга ала. Әлеге факт буенча җинаять эше кузгатылган.
***
10-20 май көннәрендә РФ Эчке эшләр министрлыгының Азнакай буенча бүлеге полиция хезмәткәрләре тарафыннан "Алкоголь" оператив-профилактика чарасы уздырыла. Законсыз алкоголь сату фактларын белүчеләр "02" телефонына шалтыратып мәгълүмат бирә ала.