КОТЛЫЙБЫЗ Фәррахова Һива Зыя кызын юбилее белән

Безнең өчен кадерле булган җиңгәбез, килендәшем, туганыбыз Фәррахова Һива Зыя кызын юбилее белән ихлас күңелдән котлыйбыз. Аңа дөньядагы иң изге теләкләрне юллыйбыз. Ул безнең өчен иң яхшы җиңгәй, ярдәмчел, яхшы килендәш, ышанычлы сердәшче. Һива Зыя кызы һәр эштә уңган, булган, аш-суга бик тә оста. Аның туган җанлыклы, оныклары, якыннары өчен җан атып торасың барыбызга да олы үрнәк. Бу көннәрдә шулай ук абыебыз Фәррахов Рәис Габдрәүф улының да туган көне. Кадерлеләребезне бәйрәмнәре белән котлап, исәнлек-саулык, тазалык-байлык, тигезлектә озак еллар бергә-бергә гомер итүләрен телибез.

Туган көнегез - бәйрәмегез белән,

Чын күңелдән сезне котлыйбыз.

Сәламәтлек, шатлык-куанычлар,

Күңел тынычлыгы телибез.

Иң изге теләкләр белән: туганнарыгыз, бу теләкләргә әниебез дә кушыла