Күңеле дә пакъ

Безнең Әгер авылы медпунктында күп еллар инде шәфкать туташы булып Альбина Якупова эшли. Ул авыл халкына бик ачык, мөлаем, һәр авыруга дәва гына түгел, төпле киңәшләрен дә бирә. Бездә өлкән яшьтәге кешеләр бик күп. Тәүлекнең теләсә кайсы вакытында аның ярдәме кирәк. Авырып китеп, хәбәр бирүгә, Альбина тиз арада өйгә килеп җитә. Ире Назир да хезмәтенең тынгысыз, җаваплы булуын аңлый. Ике уллары янына тәрбиягә бер кыз да алып үстерделәр, аның өчен өзелеп торалар.

Әнә шулай, халаты да ак, күңеле дә пакъ безнең Альбинаның.

Мөзәянә Мортазина