“Казан сөлгесе” белән – Казанга!

Бөтенсоз фестивале дипломанты, Бөтенроссия смотры лауреаты, Мәхмүт Хәсәнов исемендәге Азнакай район премиясе лауреаты булган Азнакай татар халык драма театры (режиссеры ТРның атказанган мәдәният хезмәткәре Гата Ялалов) "Казан сөлгесе" дүрт пәрдәлек музыкаль комедия (Кәрим Тинчурин) белән Әлмәт шәһәрендә Кәрим Тинчуринның тууына 125 ел тулуга багышланган "Идел - йорт" республика халык театрлары фестиваленең зона конкурсында катнашты. Якташыбыз, ТРның халык артисткасы Луиза Солтанова рәислегендәге Әлмәт дәүләт театры артистларыннан торган мәртәбәле жюри азнакайлыларның иҗат җимешен югары бәяләде. Безнекеләр башкалада әлеге фестивальдә катнашуга чакыру алды.