Исәннәрнең кадерен бел, үлгәннәрнең каберен бел...

Җомга көнне шәһәребезнең мөселман зиратында яшьләр өмәсе узды.
Гүзәл ТИМБАКОВА
Күп кенә оешмаларда төп эшче көч - яшьләр булуына карамастан, чакырылган 100 кешедән нибары яртысы гына зиратны чистартуда катнашты.
Яшьләр үзләренә йөкләнгән бурычка бик җитди карады, иске мөселман зираты - әби-бабаларыбыздан калган изге урын бит ул.
Оешма-предприятиеләрдән җыелган яшьләр белән берлектә шәһәр башкарма комитеты, "МППБиО" ҖЧҖ, яшьләр эшләре идарәсе вәкилләре дә көч куйды. Бергәләшеп куакларны кистеләр, корыган ботакларны җыйдылар, эшне тиз һәм җиренә җиткереп башкарып чыктылар.