Игътибар, конкурс

2013 елда Казанда Универсиада ачылу һәм ябылу тантаналары һәм "Футбол -2018" дөнья чемпионаты уеннары узучы 45 мең урынлы стадион исеменә конкурс игълан ителә.

Конкурс ике этапта үтә:

• беренче этап чикләрендә теләге булган һәр кеше 24 гыйнварга кадәр стадионга исем бирү буенча үз вариантын "конкурска" дип билгеләп, pr@tatar-inform.ru адресы буенча электрон почта аша җибәрә ала.
• икенче этап 25 гыйнвардан 31енә кадәр дәвам итә. Ул "Татар-информ" мәгълүмат агентлыгы сайтында беренче тур нәтиҗәләре буенча ачык сайлауны үз эченә ала. Биредә һәркем тәкъдим ителгән вариантларның берсенә тавыш бирә ала.

Конкурс тәмамлану белән аның нәтиҗәләре Республика матбугат һәм массакүләм коммуникацияләр агентлыгы һәм "Татар-информ" мәгълүмат агентлыгы сайтларында хәбәр ителәчәк, җиңүче кыйммәтле приз белән бүләкләнә.

Конкурс Республика "Татмедиа" матбугат һәм массакүләм коммуникацияләр агентлыгы һәм "Татар-информ" мәгълүмат агентлыгы тарафыннан уздырыла.