Бүген Азнакайга эшлекле визит белән Энгель Фәттахов килде

Бүген Азнакайга эшлекле визит белән Татарстан Республикасы мәгариф һәм фән министры Энгель Фәттахов килде.

Ул "Нефтемаш" заводы тәкъдим иткән модульле балалар бакчасы проекты белән танышты. Министр проектның очсызлыгын һәм тиз арада сафка бастырырга мөмкинлеген ошатты, шул ук вакытта тагын да оптимальләштерү буенча тәкъдимнәрен җиткерде.

Проект республика Президенты тарафыннан хупланса, модульле мондый биналарны башка районнарда да төзү планлаштырыла. Энгель Фәттахов шулай ук кайбер мәгариф учреждениеләрендә булды.

Резеда ШӘРИПОВА, автор фотосы