Балалар язмышына битараф булмыйк!

Яр Чаллы һәм Алабугада булган хәлләр барча кешедә педофилларга карата нәфрәт уятты һәм безне сагаерга мәҗбүр итте. Узган ел үзебезнең Азнакайда да нәкъ шундый фаҗига була язды, ярый әле узып баручы ханым җинаятьчегә яман гамәлен тормышка ашырырга ирек бирми.
Балаларыбыз иминлеге куркыныч астында. Шуңа күрә алар язмышына битараф булмыйк! Һәр баланы үз балабыз урынына куеп карыйк. Балалар янында шикле кеше күрсәгез, бер-бер начарлык сизсәгез, читләтеп үтеп китмәгез! Үзегез җинаятьчегә каршы чыга алмасагыз, полициягә шалтыратыгыз!