Азнакайның 9нчы мәктәп укучылары балалар бакчасына уенчыклар бүләк иттеләр

Бала чакны уенчыклардан башка күз алдына китереп булмый. 17 декабрьдә Мәнәвез авылындагы "Чишмә" балалар бакчасында тәрбияләнүчеләрне куандырып, шәһәрнең 9нчы мәктәбе укучылары уенчыклар күтәреп килде. Кайчандыр үзләре яратып уйнаган аюлар, машиналар, курчакларны алар һич җәлләми кечкенәләргә тоттырды. Алары исә бу уенчыкларны ватмыйча, матур гына уйнарга вәгъдә бирде. Сабыйларны куандырып күчтәнәчле кунаклар алып килгән укытучылар Лилия Гыйбадуллина һәм Зилия Сәйфуллина белән тәрбиячеләр килчәктә дә шулай аралашып яшәргә килешенде, алдагы чараларны планлаштырдылар.