Азнакайлылар яхшы уңыш алырга әзер

Әле җәй дә, әле кыш диярсең. Әле генә ялтырап кояш чыгып, җир өслеген кипшендереп ала. Бераздан яңгыр гына түгел, хәтта кар да төшә башлый. Мондый шартларда игенчеләргә бигрәк авыр. Шуңа да карамастан алар кыр эшләрен башкарырдай һәр минутны нәтиҗәле файдаланырга тырышалар. Якшәмбедә "Марс" хуҗалыгы игенчеләре басуга чыккан иде, атна башыннан "Азнакай"АФ" ҖЧҖнең барча бүлекчәләрендә дә эш башладылар. Агрофирмада 1500 гектар күпьеллыклар мәйданының 400 гектарында костер үләнен тукландырганнар инде.