Азнакайда утыздан артык программа тормышка ашырыла

Шәһәр башкарма комитеты җитәкчесе Расих Шәкүров шәһәрдә тормышка ашырылган федераль һәм республика максатчан программаларының үтәлеше белән таныштырды. Азнакайда бүген утыздан артык программа тормышка ашырыла. Күпфатирлы йортларны капиталь ремонтлау программасы нигезендә агымдагы елда 35 йортта ремонт эшләре барган булса, 2015 елда аларның саны тагын 28гә артачак. Җирлегебездә табигатьне саклауга юнәлтелгән программалар буенча да юнәлешле эш алып барыла. Киләсе елда 200 яңа чүп контейнеры алу планлаштырыла. Расих Шәкүров үзенең чыгышында юл төзекләндерү, агач утырту, үләт базлары төзү, торак-коммуналь хезмәтләр өчен бурыч мәсьәләләренә дә кагылып үтте.