Азнакайда Советлар Союзы Герое Газинур Гафиятуллин эзләре саклана. ФОТОРЕПОРТАЖ.

Үзәк район китапханәсендә 7 нче урта мәктәпнең 6 нчы сыйныф укучылары белән «Хәтер мәңге саклар» дип исемләнгән чара үтте. Туйкә авылыннан пенсионер китапханәче Фаяз Зәйдуллин балаларны Азнакай районының югалган авыллар санына керүче Сугышлы авылы белән таныштырды. Фаяз абый бу авыл тарихын өйрәнүгә, бу җирләрдә яшәгән кешеләрне эзләүгә күп өлеш керткән кеше буларак, килгән кунакларның бөтен игьтибарын җәлеп итәрлек чыгыш ясады. Сугышлы авылында гомеренең бер өлешен яшәгән Советлар Союзы герое Газинур Гафиятуллин язмышы турында укучылар аеруча кызыксынып тыңладылар.