Азнакайда картинг буенча кышкы ярышлар узачак

Бүгенге көндә Азнакайда үсеп килүче буын өчен спортның техник төрләре үсешенә зур игътибар бирелә. Ел саен җирлегебездә Азнакай муниципаль район башлыгы кубогына картинг буенча кышкы ярышлар уздыруда әлеге спорт үсешенә зур йогынты ясый. Быел картинг буенча ярышлар 8 гыйнвар көнне "Юбилейный" стадионында үтәчәк. Анда райондашларыбыз белән бергә Баулы, Лениногорск, Урыссу, Сарман, Әлмәт, Түбән Кама, Октябрьский һ.б. шәһәр-район спортчылары катнашыр дип көтелә. Ярышлар 9.00 сәгатьтә башлана. Финал узышлары һәм чараны тантаналы ачу 12.00 сәгатьтә булачак.