Азнакайда ике көндә – өч янгын булган

Эссе, коры һәм җилле көннәр янгын куркынычын арттыра. Ашыгабыз, кабаланабыз шул. Янгыннарның берсе әнә шулай газ плитәсе өстендә пешерергә куелган ризыкны оныту сәбәпле чыга. Әле ярый, "кызыл әтәч" канатларын ныклап җилпергә өлгерми кала. Ә менә шәхси йортта чыккан янгында, кухняга шактый зыян килә. Шәһәрдәге машина кую урынында да янгын чыгып, бер транспортка зыян сала. Бүген аның ни сәбәпле чыгуы ачыклана. Район янгын күзәтчелеге хезмәткәрләре соңгы вакытта янгыннарның көчәеп китүен, гражданнарга тагын бер кат сак һәм игътибарлы булырга кирәклеген кисәтәләр.